martes, 6 de noviembre de 2012

Euskal Unibertsitateak dira masifikazio emaitza hoberenak dituzten zentroak estatuko unibertsitate-sistemaren barruan

EROSKI CONSUMERek aurton argitaratutako Unibertsitateen Gida Praktikoaren arabera euskal unibertsitateak dira estatu mailan masifikazio tasa hoberena daukaten zentroak. Masifikazio ratioa irakasle bakoitzak bere baitan dituen irakasle kopuruarekin kalkulatzen da. Euskal unibertsitateen batez bestekoa 8,9 ikaslekoa da, emaitza ona Estatuko batez besteko orokorrarekin alderatuz, hau 12,4koa izanik. Unibertsitateak banaka kontutan hartuz, Deustuko Unibertsitateak dauka emaitza hoberena, 7,2 ikasleko ratioarekin. Azken postuan Nafarroako Unibertsitatea aurkitzen da ratio altuarekin, 13 ikaslekoa. Masifikazio ratio hau oso garrantzi handikoa da Europako Goi Mailako Hezkuntzaren Esparruarentzako, kopuru hobeagoak irakaskuntza pertsonalizatuagoa lortu ahal dela adierazi nahi duelako, hau delarik erakundearen helbururik nagusienetakoa. http://universidades.consumer.es/ webgunean kontsultatu daiteke informazio guzti hau, beste xehetasun eta ezaugarri batzuen artean.
Ikerkuntza-jardunak kontutan hartuz Euskal Herriko Unibertsitatea (EHU) eta Nafarroako Unibertsitatea dira oparoenak. 2011. urtean euskal unibertsitateetan egindako doktore-tesietatik EHUn 321 egin dira eta Nafarroako Unibertsitatean 182. Unibertsitate bakoitzak irakasleen erabilerarako prest dituzten ordenagailu kopurua ere aztertzen du gida honek, euskal unibertsitateen artean Deustuko Unibertsitatea eta Mondragon Unibertsitatea nabarmenduz, ordenagailu bat eskainiz hiru ikaslerentzako. EHUn, Nafarroako Unibertsitate Publikoan eta Nafarroako Unibertsitatean ez daude hain zenbaki onak, 9 eta 12 ikasleren artean banatu behar dute ordenagailu bakoitza.
Unibertsitateek eskaintzen dituzten graduen barruan EHU nabarmentzen da, 92 gradu desberdin eskainiz Europako esparrura egokituta dauden 200 graduen artean. Gradu gutxien Nafarroako Unibertsitate Publikoak eskaintzen ditu, guztira 18 izanik. Master Ofizialen artean EHUk dauka eskaintzarik handiena, 100 master inguru eskainiz Mondragon Unibertsitateak eskaintzen dituen 10 masterren aldean. Master bakoitzak 1.750 euroko prezioa izan dezake. http://www.euskonews.com/0513zbk/gaia51304eu.html Matrikulen prezioak, oso garrantzizkoak Estatuko Unibertsitate batetik bestera lehen mailako matrikulen prezioen artean alde handiak egon daitezke. Adibidez, arkitekturako lehen ikasturtea gauzatzeko 776 euro ordaindu behar dira Granada eta Sevillako unibertsitateetan. Segoviako unibertsitatean ordea, 18.000 euroko matrikula ordaindu beharra dago. Odontologiako karreran badago zure etorkizuna, jakin 776 eurokoa dela matrikularik merkeena unibertsitate merkeenetan, baina Madrilgo Europar Unibertsitatean matrikularen prezioa 15.600 eurora iritsi daiteke. Lander UNZUETA

Espainiako estatuko unibertsitateei buruzko Gida berria atera du Eroski Consumerrek

Urtero bezala, Eroski Consumerrek Unibertsitateen Gida berria argitaratu du Espainiako 76 unibertsitateen inguruko informazio osatua eskaintzeko. Eroskik bildutako informazio hori euskal unibertsitateetan ikus daiteke edo interneten bidez dago eskuragarri,www.universidades.consumer.es webgunean. Gida berri horrek hainbat datu eta informazio eskaintzeaz gain, Espainiako estatuko unibertsitate desberdinen arteko abantailak eta desabantailak jorratzen ditu. Eroski Consumerrek ateratako Unibertsitateen Gida Praktikoan ikus daitekeenez, euskal unibertsitateak dira masifikaziorik gutxien daukaten unibertsitateak. Irakasle bakoitzari zenbat ikasle dagozkion kalkulatuz jakiten da , eta euskal unibertsitatean batez beste, 8,9 ikasle daude irakasle bakoitzeko; Estatuko batez bestekoaren azpitik, 12,4 ikasle irakasle bakoitzeko.
Ikerkuntza- jarduerei dagokionez, Euskal Herriko Unibertsitateak eta Nafarroako unibertsitateak daukate jarduerarik oparoena, 572 doktore-tesietatik 321 EHUn egin dira eta 182 Nafarroako Unibertsitatean. Aldiz, Administrazioko eta Zerbitzuetako Langileei dagokionez, EHUk eta Mondragon Unibertsitateak dituzte langilerik gutxien. Ordenagailuen kopuruari dagokionez, Deustuko Unibertsitatea eta Mondragon Unibertsitatea nabarmendu dira: ordenagailu bat eskaintzen dute, hiru ikasle bakoitzeko. Ordea, EHUn, Nafarroako Unibertsitatean eta Nafarroako Unibertsitate Publikoan ez dira datu oso onak: ordenagailu bat 9 eta 12 ikasleren artean. Master ofizialei dagokienez, EHUk ehun bat master eskaintzen ditu, eskaintzarik osatuena duen unibertsitatea bilakatzen delarik. Deustun eta Nafarroako Unibertsitatean, hogeita hamar master inguru eskaintzen dituzte, Nafarroako Unibertsitate Publikoan hogei inguru, eta hamar bat Mondragon Unibertsitatean. Autonomia erkidegoei erreparatuz gero, Kataluniak, Madrilek eta Andaluziak daukate master ofizialen eskaintzarik ugariena. Katalunian eta Madrilen 500 master baino gehiago daude aukeran, eta Andaluzian 350. Aldiz, Gaztela Mantxa eta Errioxa dira master gutxien eskaintzen dituzten autonomiak: 20 master eskaintzen dituztelarik.
Prezioetan aldeak Espainiako unibertsitate desberdinen artean alde handiak aurkitzen dira lehen urteko ikasturteko matrikula ordaintzerako orduan. Granadako eta Sevillako unibertsitateak dira matrikularik merkeen eskaintzen dituztenak, esaterako arkitekturako lehen ikasturtea 776 euro kostatzen dira, aldiz, IE Segoviako Unibertsitatean 18.000 kostatzen da. Odontologiako matrikula ordaintzerakoan ere alde handiak ikus daitezke unibertsitate batetik bestera, esaterako, Granadako eta Sevillako Unibertsitateetan 776 euro kostatzen da lehen ikasturteko matrikula, ordea, Madrilgo Europar Unibertsitatean, 15.600 eurokoa da. Iosu USANDIZAGA